بسيط هادي سهل التعامل ما احب التعقيد والتصعيب واحب الوضوح والصراحة والصدق. مبتعد عن الصخب واللغو ديرتي الرين (190 كيلو عن الرياض) لكني ساكن بالدمام. ما اتابع مسلسلات وافلام❌ وما احب الكورة❌ ولا اطلع استراحات ولا اسمع اغاني ولا اشيش ولا افيب. ماعندي مواقع الأدمان الاجتماعي❌ الا واتساب ويوتيوب فقط للتواصل مع الأهل وللتعلم✅. ما العب سوني ❌ولا اتابع انمي❌ .بطيئ الغضب جدا ان صح التعبير والتفاهم والصبر مقدم دائما. شبه بيتوتي لاني ما احب اروح الكوفيهات والاماكن اللي فيها اختلاط وموسيقى الا لحاجة واحب اروح اماكن رايقة وامسك خطوط سفر طويلة ومعي دلة الشاهي او الحليب مع مكسرات [: واقعد اسمع لمقاطع تنفع قادر على توفير سكن مستقل -مو بنفسي انما بمساعدة قريب لي انا مازلت طالب وابي العفاف. ومعي سيارة 23. ماعندي مشكلة انتقل لمنطقة ثانية الزوجة الطيبة ياقوتة نادرة اجيها لو بالقمر. احب التيسير ولاني بمتشدد -بالمعنى الصحيح اللي هو تحريم الحلال والغلو في الدين- احب الهدو ولا اداني الصياح.احب الرفق وليونة الجانب ولا احب القسوة وصعوبة التعامل احب حسن الظن ولا اداني سوء الظن ابدا ابدا . ادور بنت الحلال المزيونة السنعة الواثقة الذكية اللي ما تلتفت لكلام الناس وقيل وقال ادلعها من كل النواحي واستقر معها واسكن اليها وتسكن الي واكون لها السند والظهر. احب الكتب خصوصا الشرعية والمالية ولا احب الروايات. احب التشارك بشغل البيت كغسيل الحوش والمواعين وتكنيس البيت وغسل الملابس وما احب اتبطح واعرف اطبخ. احب القطاوة -قطوتي راقدة بحضني وانا اكتب والثانية بالبلكونة تصيد ذبان ونمل- ابي بنت الحلال اللي تسترني وتعينني على ذكر ربي وشكره وحسن عبادته وتكون انسانة مربية.

دينة هينة لينة جميلة بيضاء وزنها فوق الخمسين عمرها مثل عمري او اقل وما يزيد عن خمس جنسيتها سعودية لأن اجراءات الزواج بمقيمة تعجيزية. مايفرق قبيلية او لا المعيار دينها وخلقها زوجة قلبها حيّ ورحيم مو القاسية الغليظة الجلفة❌ الزواج رحمة بيننا وتلاطف وتحابب مو جلافة وغلاظة -رحماء بينهم--واخفض جناحك للمؤمنين- قال السعدي في تفسيره "ألِنْ لهم جانبك وحسِّنْ لهم خُلُقَك محبةً وإكراماً وتودُّداً" بنت تكون دينة وتعرف في دينها ولو القليل يهمها رضى ربها عنها. أَفَضّل ومو شرط تكون تحفظ القران او حتى عندها النية مايهم جامعية او أمية مافي فرق✅ ما ابي موظفة ابي ربة منزل قارّة بالبيت التزاما لقول الله عز وجل -وقرن في بيوتكن- تكون مهتمة بنفسها انيقة