عن نفسي: 1-مصلي صايم عمري ما تعاطيت ولا شربت ولا شي من الكبائر المخوفة، لكن أظل رجل عاصي ولي بعض عيوبي. 2- فكريا محافظ بما يعرفه المجتمع السعودي. 3- مرح ونكوتي واجتماعي وغير نكدي. 4-أعمل في وظيفة براتب جيد ومريحة ولله الحمد. 5-أمارس الرياضة وأحاول قدر الامكان الاهتمام بالغذاء وأستمر.

أنا أبي زوجة للعمر أرتاح معها، ما ودي أعيد نفس أغلاطي أبدا! وشروطي كاتبها وأعني كل شرط فيها، ولا عندي مانع لو أكبر مني بكم سنة إن ناسبتني، ترى العمر مجرد رقم، بالنسبة لشكل البنت ماراح أفصل فيه لأن النظرة الشرعية هي الحكم لي ولها، وما أبغى أحط شروط تمنع عني البنت المناسبة وممكن تأملني في وحدة تنطبق عليها شروطي وفي الاخير تكون هي غير المناسبة لأن النظرة الشرعية ممكن فعلا تنتج عنها نتائج ما تتوقعها لكن راح أحط الشروط التالية في الأمور الباقية الغير شكلية: 1- محتشمة وعفيفة في نفس الوقت! وحدة بدون ثانية ما تنفع لي. 2- سليمة فكريا وعقديا وجسديا. 3-مرحة وغير نكدة وسعيدة في أغلب أيامها. اللي تشوف حياتها سيئة وإنها في أتعس حالاتها ما تناسبني. 4- أبحث عن عقيمة ليس لها أمل بالعلاج 5-يجب أن تكون العفة من أهم الدوافع لديها في الزواج وأرجو التركيز على هذا الشرط جيدا! المهم يكون فيه توافق بيني وبينها في هالنقطة عشان لا أحد فينا يعاني وعشان كذا أفضل لي إنها تكون مطلقة بدون أطفال لكن مو معناته إني أرفض البكر إذا كانت تعرف دوافعها، بس المطلقة أحسن لي بحكم معرفتها بأمور الزواج، غير عن إنه أكيد تكونت في راسها حكمة اكبر عن أهدافها من الزواج. 6- اللي تبغى أهلي يجون لازم تكون من عرق عربي قبيلية وممكن فيه مرونة مع أهل الغربية من اللي أصولهم من خارج الجزيرة، ومع كل تقدير واحترامي للباقيين ولا أحد أحسن من أحد لكن حنا جزء من مجتمع لازم نسايره والراحة مهمة في الحياة، أكيد إني أفضل السعودية عشان تقارب العادات والتقاليد والأفكار، لكن لو غير سعودية انطبقت عليها الشروط فلي الشرف ولو تستاهل بأسعى بكل ما يمكن يسهل الزواج من تصريح وغيره، لكن الأمر هذا لله. باقي الأشياء للنقاش لكن إذا ناسبتك وصبرتي إنك تقرين كل كلامي أرجو منك الارسال مباشرة، التلميح ما ينفع وزيارة ملفي عدة مرات ما تنفع تلميح لأني كم مرة أرسل وتقول لي البنت بالغلط، طبعا الله يرحم والدينكن خليكن صادقات في بياناتكن، ما يصلح وحدة كاتبة عدد الأطفال صفر وأجي مع الحوار ألقى عندها اثنين مخبيتهم وإلا ألقى وحدة تنقص 40 كيلو من وزنها في الشوفة