انا رجل شغوف ومليء بالعاطفة، تغيرت فكرتي عن الزواج مؤخرا واكتشفت مدى اهمية مشاركة حياتي مع الانسانة اللي تحبني واحبها و تفهمني و افهمها، اهتم بنفسي بالطريقة اللي تناسبني وتناسب اهتماماتي، عريض ومعضل شوي، هواياتي متعددة ومختلفة وهي جزء كبير من حياتي، ومشاركة زوجتي المستقبلية فيها امنية من امنياتي، واعتبرها احد صور الزواج المثالي في مخيلتي، اعشق الموسيقى واميل للغربي بشكل عام، اقدر الافلام الدرامية والرومانسية اللي تحاكي الواقع والحياة ، واميل لكل شي من الزمن الجميل، اتمنى حياة مع انسانة تحب العيشة الهنية الرومانسية المستقرة، نعم اهتم بنفسي لكن المظاهر والسطحية ليست من اولوياتي في الحياة، ابي انسانة تعاوني على نفسي بالدين والصلاة، وتكون لي سند بهالدنيا، عموماً هذا مجرد كلام ينكتب لكن الاهم انك تعرف الشخص على الطبيعه... وبالاخير التوفيق من الله سبحانه... ملحوظة مهمه: سبب دخولي للموقع هو ان الزواج التقليدي في هذي الايام ما يناسب الاوضاع الحالية والدليل كثرة الطلاقات، عشان كذا انا ابي اتعرف قبل على الانسانة اللي ممكن ارتبط فيها بالمستقبل، وراح يكون هذا الشي ضمن الاصول والتقاليد المتعارف عليها،

انسانة تكون جميلة الداخل كما هي جميلة المظهر، متواضعه جداً، قلبها طيب، رومانسية، متفهمه، تخاف الله، وزين الله النساء بالحياء، يعني اسحويه، اكون الشخص الاهم في حياتها، لانها راح تكون الانسانة الاهم في حياتي، محترمة و لا تزدري الاخرين، انيقه وتهتم بنفسها ولا تحب المظاهر، وتكون على على طبيعتها ما تتصنع شكلاً وتعاملاً، صوتها خافت ومحتشمه، تعرف الاصول، مرأه ونعم فيها ،وبنفس الوقت متفتحة و مليئه بالحياة، تشاركني اهتماماتي وتقدرها، اتمنى في شريكتي انها تكون رشيقه وتحب الرياضه، تكون اقصر مني، ما تكون مجنونه بالمكياج، احب البنت على طبيعتها، شعرها طبيعي، ومثل ما قلت... الكلام ينكتب بسهوله، لكن العبرة في الانسجام بين شخصين على الواقع، مو بس على هالبرنامج. تكون من عرق ابيض ومن غير اطفال.