احب البساطة والقناعة والاحترام المتبادل ومراعاة المشاعر والخواطر. ما اتابع مسلسلات وافلام❌ وما احب الكورة❌ ولا اطلع استراحات ولا اسمع اغاني ولا اشيش ولا افيب. ماعندي مواقع تواصل اجتماعي الا واتساب ويوتيوب فقط. ما العب سوني ولا اتابع انمي .بطيئ الغضب جدا ان صح التعبير والتفاهم والصبر مقدم دائما. بيتوتي لاني ما احب اروح الكوفيهات والاماكن اللي فيها اختلاط واحب اروح اماكن رايقة وامسك خطوط سفر طويلة ومعي دلة الشاهي او الحليب [: واقعد اسمع لمقاطع تنفع قادر على توفير سكن مستقل ومعي سيارة 23. ولازلت طالب. احب التيسير ولاني بمتشدد -بالمعنى الصحيح اللي هو تحريم الحلال والغلو في الدين- احب الهدو ولا اداني الصياح. احب حسن الظن ولا اداني سوء الظن ابدا ابدا . ادور بنت الحلال المزيونة السنعة الواثقة الذكية اللي ما تلتفت لكلام الناس وقيل وقال ادلعها من كل النواحي واستقر معها واسكن اليها وتسكن الي واكون لها السند والظهر وتكون لي المرجع لا بغيت افضفض. احب الكتب خصوصا الشرعية والمالية ولا احب الروايات. اصدقائي ثنين بس. احب النادي والتشارك بشغل البيت كغسيل الحوش والمواعين وتكنيس البيت وغسل الملابس وما احب اتبطح. احب القطاوة -قطوتي راقدة بحضني وانا اكتب والثانية بالبلكونة تصيد ذبان ونمل- ابي بنت الحلال اللي تسترني وتعينني على ذكر ربي وشكره وحسن عبادته وتكون انسانة مربية. -رجاء لحد يجي يقول ابتعارف ويقعد يسولف وينكت انا جاد جدا ودخلت هالموقع اللي اشوفه ازين من اني اقول لامي وش ابي ووش ما ابي لاني ابي المرة اللي تناسبني واناسيها تفصيل ان جاز التعبير. فإن جزت لك سوي اهتمام وان جزتي لي سويت اهتمام واخذت رقم الوالد طال عمره اجيكم البيت من بابه وباقي التفاصيل بعدين ماودي اطول والله يوفق الجميع ويستر علينا

ببس بنت حلال دينّة هينة بيضاء سعودية وزنها بين الخمسين والسبعين وعمرها نفس عمري أول أقل. ابي من كان قلبها حيّ بالمشاعر الحلوة ✅ما ابي الغليظة الفظة❌ الزواج رحمة بيننا ومودة وتلاطف وتحابب مو جلافة وغلاظة ~_~ بنت تكون دينة يهمها رضى ربها عنها كل شي اذا سمعت قال الله قال رسوله قالت سمعنا وأطعنا.