الحمدلله أنثى على قدر مقبول من الجمال عاقلة متزنة سنعة يُعتمد عليّ .. قبيلية جنوبية.. مُطلقة بدون أطفال .. أحب الجو الأسري العائلي وأقدّس الحياة الزوجية كثير .. و تعنيلي الأكثر لذلك دخلت الموقع حتى أجد ضالتي وشريك حياتي اللي نتفق انا وياه ونعيش حياتنا في سلام وانسجام .. لاني جربت الزواج التقليدي والحمدلله ع كل حال باء بالفشل .. أتمناه رجُل بكل ما تعنيه الكلمة .. سواءً في شكله او في اخلاقه او في تعامله او في اسلوبه .. تعجبني خشونة الرجل وأتمنى الرجل القوي بشخصيته وعلاقته مع أنثاه .. إنسانه عاطفيه لأبعد حدّ وأحب الإهتمام في أدق التفاصيل .. حساسة جداً ودمعتي طارفة .. منقبة في بعض الاوقات .. وفي بعض الاوقات اكشف .. يعني لكل مقام مقال .. أتمنى حياة زوجية فيها اهتمام وحب واحساس وعاطفه وهدايا ودلال وشغف .. أشوف نفسي عندي شغف للحياة وطاقة جميلة باذن الله أسعد فيها زوجي المستقبلي .. كريمة وسخية لأبعد حدّ ودايم يقولولي حقك ماهو لك لغيرك .. لاني احب اسعد غيري قد ما اقدر ويطلع بيدي .. حالياً صرت اسوق .. الحمدلله ماني مُعقده لكن وسط في كل شي .. أسمع اغاني والله يهديني ويهدينا جميعاً .. احب القهوة السوداء عندي عشق وإدمان لها .. للأسف مُدخنة .. أحب العطور والعود والبخور بشكل مو طبيعي .. احب الشموع احب االاضاءات الصفرا دائما .. أحب البحر والسفر والموسيقى الهاديه .. قليلة كلام غير ثرثاره .. مستعدة للزواج بأقرب فرصه ووقت .. ماعندي أي وقت أضيعه .. واللي يبغى فترة تعارف طويلة ياليت ما يتواصل معي .. دخولي هنا حتى أجد من يناسبني والله يكتب لي ولكم كل خير ..

أتمناه رجل متزن عاقل يخاف الله فيني محافظ على صلاته .. كلنا مقصرين لكن الواحد قد ما يقدر إلّا صلاته ما يتركها .. يرغب بالإنجاب وقادر على الإنجاب وتكوين أسرة .. غير معقد غير شديد مثقف متعلم دارس وفاهم الحياة .. متفهم يحب النقاش بين الطرفين لاني ابغض الرجل الصامت اللي ماله رأي وضعيف شخصية ولا يعرف ياخذ ويعطي ويناقش زوجته .. شخصيه قويه واضح صريح صادق .. يحب الحياة والمشاركة الزوجية كريم سخي وارفض الرجل البخيل .. يحب تغيير الروتين رومانسي هادي يحب البحر مثلي ويحب السفر .. يقدر الحياة الزوجية ويقدّر المرأة ويحترمها .. يعطيني حقوقي كاملة سواءً النفسيه والعاطفيه والمادية وغيرها .. مرتاح مادياً ويدللني ما يبخل عليّ بخيره .. يهتم فيني ما يهملني .. ارغب بزوج لا يقل عمره عن 39 ولا يزيد عن 45 .. وطوله ما يقل عن 175 .. الغير سعودي أعتذر منه والغير قبيلي أعتذر منه .. والأعزب اللي ما سبق له الزواج وماعنده التجربة أعتذر منه لا يتواصل معي .. أعتذر من كل شخص يرسل لي رساله وما أرد عليه اذا كان غير مُناسب لي ملفه لأني راح اكتفي بعدم الرد .. ارفض المتحرر المنفتح بغير المعقول واقصد بكلامي اللي ما يغار عليّ وأرفض اللي يقول اذا سافرنا [ نشرب ] رجاءً اللي كذا مزاجه لا يتواصل معي أبداً .. ارفض التعدد وزواج المسيار .. لأني استحق حياة كاملة كريمة فيها انا وزوجي ويكون لي أنا فقط ..